ಮುದವಿತ್ತ ಛಂದಃಸಂವಾದ

ಮೊನ್ನೆ ಫೇಸ್ ಬುಕ್ಕಿನಲ್ಲಿ Ganesh Bhat Koppalatotaರೊಂದಿಗೆ ನಡೆದ ಛಂದಃಸಂವಾದ.

ಅವರ wall ನಲ್ಲಿದ್ದ ಪ್ರಶ್ನೆ -

Where did we first meet??
Copy on ur wall and see who remembers❤

ನೀವು ಮೊದಲು ಎಲ್ಲಿ ನನ್ನ ಭೆಟ್ಟಿಯಾದದ್ದು?

ನನ್ನುತ್ತರ -

ಸ್ತನಮನೆ ಸಮಸ್ಯೆಯಾಗಿಸಿ
ಬಿನದಮನಿತ್ತಾ ಶತಾವಧಾನದೆ ನಿಮ್ಮಾ-
ನನಸರಸೀರುಹಮಂ ನಾಂ
ವನಜಾಕ್ಷಾಸೀಮಕರುಣೆಯಿಂದಂ ಕಂಡೆಂ 😃

ಅವರ ಪ್ರತಿಕ್ರಿಯೆ -

ಅಮಮ! ಸಮಸ್ಯಾವಾಕ್ಯದೆ
ನಿಮಗೆಮ್ಮೀ ಮುಖಮನನ್ವಯಿಸುವೀ ಪರಿಯೇಂ!?
ಕ್ರಮದಿಂ ದತ್ತಪದಂಗಳ-
ನೆ ಮಿಗಲ್ಕಾಂ ನಿಮ್ಮ ಪೆಸರಿಗಂ ಜೋಡಿಸುವೆಂ ;-)

ನನ್ನದ್ದು -

ಅಯ್ಯಯ್ಯೋ ! ವಿಕಟಭಟನ
ಕಯ್ಯೊಳೆ ಬೆತ್ತಮನಿಡುತ್ತೆ ಪೊಡೆಯಿಸಿಕೊಂಡಾ-
ವಯ್ಯನ ಬೆತೆಯಾದುದು ನಿಡು-
ಸುಯ್ಯುವುದಿಂದನ್ಯಮಾರ್ಗಮಂ ಕಾಣೆಂ ನಾಂ :-( 😃

ಅವ್ರದ್ದು -

ಅದರಿಂ ಮೊದಲೇ ಕಂಡೆಂ
ಮುದಮೀಯುವ ನಿಮ್ಮನಲ್ಲಿ ಗುಡಿಯಿದಿರೊಳಗಾಂ
ಪದಪಿಂ ಮೆರವಣಿಗೆಗೆನು-
ತ್ತೊದವಿದ ಪೃಚ್ಛಕರ ಗಡಣದೊಳಗಂದಲ್ತೇ!

ಉಪಸಂಹಾರ -

ನಾನಾಮಹನೀಯರ್ಕಳ-
ನಾನೀಕ್ಷಿಸಿದಾ ದಿನಂ ಸುವರ್ಣವಿಲೇಖ್ಯಂ !
ತಾನಚ್ಚಳಿಯದೆ ಮಂಜುಳ-
ಗಾನದವೋಲಿರ್ಪುದೆನ್ನ ಮಾನಸಮಹಿಯೊಳ್ :-)